जनसंघर्ष न्यूज नेटवर्क
इंदापूर : विधानसभा निवडणुकीच्या तोंडावरती इंदापूरचे राजकारण पेटलं आहे त्यातच आमदार दत्तात्रय भरणे यांचा फोटो असलेल्या पिशव्यांमधून इंदापूर तालुक्यामध्ये पैठणी साड्यांचे वाटप करण्यात आलं होते.त्यानंतर महिलांनी या साड्या अक्षरश: रस्त्यावर फेकून दिल्या होत्या. शिवाय साड्या देऊन आमची मतं विकत घेता का? असा सवाल करत महिलांनी आक्रोशही व्यक्त केला. इंदापूर तालुक्यातील कळंब या गावातील घोडके वस्तीवरील महिलांनी या साड्या फेकून दिल्याचा होत्या. गेल्या काही दिवसांपासून माजी मंत्री दत्तात्रय भरणे इंदापूर तालुक्यात पैठणीच्या खेळाच्या माध्यमातून साड्या वाटप करतात, असा आरोप करण्यात येत होता. आता शरदचंद्र पवार राष्ट्रवादी पक्षाच्या वतीने आचरसंहितेचा भंग केल्याचा आरोप करत निवडणूक आयोगात तक्रार दाखल केली आहे.
त्यातच काही दिवसांपासून इंदापूर तालुक्यात खेळ पैठणीच्या या खेळाच्या माध्यमातून आमदार दत्तात्रय भरणे हे पैठणी साड्या वाटप करीत असल्याचा आरोप विरोधकांकडून केला जात आहे. त्यादरम्यान आता शरदचंद्र पवार राष्ट्रवादी पक्षाने देखील यामध्ये लक्ष घातले आहे आमदार दत्तात्रय भरणे यांच्यावर आता आचारसंहिता भंग केल्याचा आरोप करत शरदचंद्र पवार राष्ट्रवादी पक्षाने निवडणूक आयोगाकडे तक्रार दाखल केली आहे.आम्हाला तुमच्या साड्या नको आम्हाला आमच्या परिसरातील विकास हवा आहे. रस्ते लाईट व आमच्या युवकांच्या हाताला काम पाहिजे, असे म्हणत इंदापूर तालुक्यातील कळंब वालचंदनगर परिसरातील घोडके वस्ती येथील महिलांनी चक्क इंदापूरचे आमदार दत्तात्रय भरणे यांचा फोटो असलेल्या पैठणी साड्या अक्षरशा महिलांनी रस्त्यावर फेकून दिल्या आहेत.
या साड्यांच्या पॅकिंगवरती आमदार दत्तात्रय भरणे यांचा भला मोठा फोटो असून त्यावर आपला माणूस असे लिहिण्यात आले आहे. त्यामुळे मतदारांना पैठणीच्या साड्यांचे प्रलोभन दाखवण्यात आल्याची जोरदार चर्चा आता इंदापूर तालुक्यात रंगली आहे. त्यातच साड्या रस्त्यावर फेकतानाचा व्हिडीओ सध्या सोशल मीडियातून प्रचंड व्हायरल होत आहे. त्यानंतर आचारसंहिता काळात या साड्या वाटल्या, असा आरोप इंदापूर राष्ट्रवादी काँग्रेस शरदचंद्र पवार गटाचे तालुका कार्याध्यक्ष महारुद्र पाटील यांनी केला आहे. तसेच निवडणूक आयोगाला पत्र लिहून महारुद्र पाटील यांनी कारवाई करण्यासंदर्भात तक्रार दाखल केली आहे.
Author: Jan Sangharsh News
जन संघर्ष न्यूज लाईव्ह
