जनसंघर्ष न्यूज नेटवर्क
खंडाळा,तालुक्यातील पळशी गावामध्ये दिनांक २७ सप्टेंबर रोजी एक चोरीची घटना घडली असून ,सदरच्या घटनेची माहिती पुढील प्रमाणे आहे.सदरील घटनेची फिर्याद श्री.अनिल लक्ष्मण राऊत (वय ५४ वर्ष ) रा.पळशी (भाऊनगर वस्ती) ता.खंडाळा जि.सातारा यांनी शिरवळ पोलिस ठाण्यात जाऊन दिली आहे.
पोलिसांच्या माहितीनुसार दिनांक २७ सप्टेंबर रोजी दुपारी १२ ते ३ वाजताच्या दरम्यान अज्ञात चोरट्यांनी घराच्या उघड्या दरवाज्याने घराच्या आतमध्ये प्रवेश करून घरातील बेडरूम मधील असणाऱ्या कपाटातून सुमारे 2 लाख 20 हजार रुपये किंमतीच्या सोन्याच्या ऐवजांची चोरी करून अज्ञात चोरटयांनी पोबारा केला आहे. तसेच चोरी झालेले ऐवज पुढील प्रमाणे आहेत,१,४०००० रुपये किंमतीचे १ साडेतीन तोळ्याचा राणी हार तसेच ८० हजार रुपये किंमतीचे १ दोन तोळ्याचा मिनीगंठण असा एकूण दोन लाख वीस हजार रुपये किंमतीच्या ऐवजांची चोरी झाली असून या चोरीचा अधिकचा तपास शिरवळ पोलीस स्टेशनचे पोलीस निरीक्षक संदीप जगताप यांच्या मार्गदर्शनाखाली शिरवळ पोलीस ठाण्याचे पोलीस करत आहेत.
Author: Jan Sangharsh News
जन संघर्ष न्यूज लाईव्ह
