जनसंघर्ष न्यूज नेटवर्क
इंदापूर :- इंदापूर तालुक्यातील निमगाव केतकी यागावात एका विवाहित महिलेचा खून झाल्याची धक्कादायक घटना घडली आहे.सुनिता दादाराम शेंडे (वय ३३ वर्ष, ) राहणार निमगाव केतकी, तालुका इंदापूर असे खून झालेल्या महिलेचे नाव आहे. दरम्यान, याप्रकरणी आरोपी ज्ञानेश्वर बबन रासकर राहणार सुरवड, तालूका इंदापूर जिल्हा पुणे याच्या विरोधात इंदापूर पोलिसांत गुन्हा दाखल करण्यात आला असून सदर आरोपी हा स्वतःहून इंदापूर पोलीस स्टेशनला हजर झाला आहे.
याबाबत मिळालेल्या प्राथमिक माहितीनुसार, बुधवार दि. ४ रोजी रात्री ८ ते ८:३० वाजताच्या दरम्यान निमगाव केतकी-सराफवाडी रोडवरील अजिनाथ मोरे यांच्या पत्र्याच्या शेडमध्ये ज्ञानेश्वर रासकर याने अज्ञात कारणामुळे सुनिता शेंडे यांच्या डोक्यात, पोटात, छातीवर आणि हातावर चाकूने वार केले.
यात सुनिता शेंडे यांचा दुर्दैवी मृत्यू झाला. याप्रकरणी मयत महिलेचे पती दादाराव निवृत्ती शेंडे (वय ३७ वर्ष ) व्यवसाय बिल्डिंग कंट्रक्शन राहणार शेंडे वस्ती निमगाव केतकी यांनी सदरील घटनेची फिर्याद दिली आहे. सदर गुन्ह्याचा पुढील तपास इंदापूरचे पोलीस निरीक्षक सूर्यकांत कोकणे यांच्या मार्गदर्शनाखाली पोलीस उपनिरीक्षक पुंडलिक गावडे करीत आहेत.
Author: Jan Sangharsh News
जन संघर्ष न्यूज लाईव्ह
